umc-ro@umckrg.gov.kz
- 01.10.2014 жылы «Шағын жинақты мектептердегі оқу-тәрбие үрдісінің ерекшелігі» тақырыбында On-line семинар өтті.
Мақсаты:ШЖМ-ның қызметін реттейтін нормативтік-құқықтық құжаттамалар бойынша педагогтердің білімдерін жетілдіру,білім беру процесін ұйымдастырудағы проблемаларды анықтау және шешу жолдарын қарастыру.
Семинар бойынша келесі ұсынымдар айқындалды:
1. РО даму бағдарламасын құру және бекіту;
2. РО жұмыс жоспарын, бастапқы сессияның іс-шаралар бағдарламасын, бірыңғай оқу жоспарын лабораториямен келісу;
3. Нормативтік-құқықтық құжаттарды оқып-біліп, басшылыққа ала отырып жұмыс атқару;
4. Сессиялық сабақтар кезеңіндегі тірек мектебі жағынан (ресурстық орталық) білім алушылардың тұруын, тамақтануын, тасымалдануын ұйымдастыруына қатысты нормативтік-құқықтық құжаттарды оқып-білу;
5. Тірек мектептеріне магнитті мектептерді бекіту туралы бұйрықты тапсыру.
- Бастапқы сессияны ұйымдастыру, өткізу және тірек мектебінің оқу-педагогикалық құжаттамаларын жүргізу бойынша әдістемелік көмек көрсету мақсатында 2014 жылдың 13-14 қазан күндері ШЖМ дамыту лабораториясының ғылыми жетекшісі Контаев С.С., әдіскерлері Сулейменова К.А, Бердаленова Ж.С. №3 Киевка тірек мектебінде және №9 Осакаровка кентінің тірек мектебінде болып қайтты. Мектептер жаңа оқу жылына дайын, Ресурстық орталықтың қызметін реттейтін нормативтік-құқықтық құжаттамалар бар. Бірақ, құжаттамаларды жүргізу бойынша бірқатар маңызды ескертулер жасалды.№3 Киевка тірек мектебінде сабақтарға қатысып, талдау барысында оқу материалының ерекшелігін ескере отырып, сабаққа қойылған мақсаттары мен міндеттерінің дұрыс-бұрыстығына, осы сабақтың тақырып бойынша сабақтар жүйесіндегі орнына баға берілді, сонымен қатар ұсыныстар да айтылды.
