umc-ro@umckrg.gov.kz
2022 жылдың 5 мамырында Қарағанды теміржол колледжінің базасында «World Skills Karaganda-2022» аймақтық кәсіби шеберлік чемпионатының үшінші конкурстық күні өтті. Бүгінгі күні жарыстар келесі құзыреттер бойынша өтті: «Жүктерді экспедициялау» - 5 қатысушы; «Теміржол жолының жай - күйін бақылау» - 3 қатысушы; «Локомотивті басқару» - 6 қатысушы; «Теміржол автоматикасы және телемеханика құрылғыларына қызмет көрсету және жөндеу» - 3 қатысушы, «Теміржол көлігіндегі тасымалдау процесін басқару» - 8 қатысушы, «Теміржол көлігі технологиясы» - 6 қатысушы.
Барлық құзыреттердің жұмысы модульдерге сәйкес жүргізілді. Конкурстық тапсырманың орындалатын модульдері нақты жағдайға барынша жақын жағдайларда қатысушылардың жұмысын модельдеуге арналған және салада жұмыс істеу үшін қажетті дағдыларды тексеруге мүмкіндік береді. «Теміржол жолының жай - күйін бақылау»; «Локомотивті басқару»; «Теміржол автоматикасы және телемеханика құрылғыларына қызмет көрсету және жөндеу», «Теміржол көлігі технологиясы» құзыреттіліктері өз жұмысын аяқтады. Біздің «Теміржолшыларымызға» теміржолдар сияқты шексіз табыс тілейміз. Локомотив сияқты алға қойылған мақсаттарға жетеберіңіздер!
