umc-ro@umckrg.gov.kz
«Бастауыш мектептегі жобалық – зерттеулік жұмыстар» семинары
2014 жылдың 10 желтоқсан күні Қарағанды облысы білім беруді дамытудың оқу-әдістемелік орталығында бастауыш сынып мұғалімдері үшін «Бастауыш мектептегі жобалық – зерттеулік жұмыстар» тақырыбында семинар өтті.
Семинардың мақсаты – нәтижелі педагогикалық технологияларды жобалық – зерттеу жұмысына енгізуде бастауыш сынып мұғалімдерінің тәжірибесі мен кәсіби білім өрісін кеңейту.
Семинар барысында мұғалімдер жобалық жұмыс пен ғылыми зерттеудің негізгі кезеңдерімен, «зерттеулік оқытуды» жүзеге асырудың 3 сатысымен және оқушылардың жоба жұмыстарының тиімділігін қамтамасыз етумен танысты.
Семинарға Жезқазған, Қаражал, Теміртау, Приозерск қалалары мен Шет, Жаңаарқа, Абай, Нұра, Бұқар-Жырау аудандарының бастауыш сынып мұғалімдері қатысты.
