umc-ro@umckrg.gov.kz
2019 жылдың 6 желтоқсан күні Достық үйінде Қарағанды облысы білім басқармасының ұйымдастыруымен дәстүрлі «Жыл мұғалімі» облыстық байқауының қорытынды кезеңі өтті. Байқау биыл төртінші жыл ұйымдастырылып, облыстық кезеңге 34 педагог қатысып, оның 12-сі ақтық мәреге шықты.
Байқаудың басты мақсаты – педагог мамандығының мәртебесін көтеру, қатысушылардың педагогикалық ұстанымы мен жеке әлеуетін көрсету, мұғалімдердің кәсіби шеберлігін арттыру.
Байқау үш кезеңді қамтыды. Ең алдымен ұстаздар аудандық және қалалық кезеңнің іріктеуіне қатысып, бақтарын сынады. Екінші кезеңде облыстық мамандандырылған «Мұрагер», «Дарын» мектеп-интернаттары, Қарағанды қаласының №93 гимназия базасында қазылар алқасының алдында өздерінің кәсіби шеберліктерін көрсетіп, пән бойынша сабақ пен сыныптан тыс шара өткізді.
Конкурстың үшінші кезеңіне екінші кезеңнің қорытындысы бойынша ең көп балл жинаған 12 педагог, аудандар/қалалар арасынан он жеңімпаз және облыстық білім беру ұйымдарынан (арнайы түзету және мамандандырылған мектеп-интернаттардан) бір-бір мұғалім қатысты. Үшінші қорытынды кезеңде қатысушылар "Педагогтің визиттік карточкасы" шығармашылық байқауы, "Ашық микрофон", "Педагогикалық жағдаят" байқаулары бойынша көрермен алдында кәсіби әлеуетін көрсетті.
Қорытынды нәтиже бойынша Бас жүлде (350 000 теңге ақшалай жүлде) Балқаш қаласы №10 ЖОББМ география пәнінің мұғалімі Сауриков Олжас Аманкуловичке бұйырды.
1 орынды (200 000 теңге) Қарағанды қаласы №97 гимназияның тарих пәнінің мұғалімі Тё Олег Романович иеленсе, 2 орынға (150 000 теңге) Қалиева Гүлнұр Рымбаевна, Қарағанды облыстық тірек-қимыл аппараты зақымдалған балаларға арналған мектеп-интернатының қазақ тілі мен әдебиеті пәнінің мұғалімі иеленді. 3 орынды (100 000 теңге) Саран қаласы №2 ЖББОМ ағылшын тілі пәнінің мұғалімі Хохлова Дарья Сергеевна еншіледі.
"Ең үздік сабақ" номинациясы 50 000 теңге - Бимендина Гулнара Кусайновна, Жезқазған қаласы №8 гимназияның химия пәнінің мұғалімі;
"Ең үздік сыныптан тыс іс-шара" номинацисы 50 000 теңге - Қызылов Ербол Тілеубекұлы, Шет ауданы Ж. Ақылбаев атындағы мектеп-гимназияның тарих пәнінің мұғалімі;
"Ең үздік үй тапсырмасы" номинациясы 50 000 теңге - Абишева Меруерт Турсынбаевна, Сәтбаев қаласы Абай Құнанбаев атындағы №2 ЖББОМ ағылшын тілі пәнінің мұғалімі;
"Көрермендер көзайымы" номинациясы 50 000 теңге - Алина Ботагоз Бейсетаевна, Бұқар жырау ауданы "Үштөбе ЖББОМ" бастауыш сынып мұғалімі;
Алғыс хат:
Ермекбаева Гульдана Тлеубаевна, Жаңаарқа ауданы №132 ЖББОМ бастауыш сынып мұғалімі;
Тюрюшкина Татьяна Валентиновна, Теміртау қаласы №23 ЖББОМ математика пәнінің мұғалімі;
Жунусова Бакыт Кумаровна, Н.Нұрмақов атындағы мамандандырылған мектеп-интернатының қазақ тілі мен әдебиеті пәнінің мұғалімі;
Ахмет Бахтияр Кенжетайұлы, Осакаров ауданы №1 ЖББОМ тарих пәнінің мұғалімі.
