umc-ro@umckrg.gov.kz
Қазақ тілі мен әдебиеті мұғалімдерінің «Ұлы дала ұлағаты» атты облыстық форумы
Қарағанды облысында білім беруді дамытудың оқу әдістемелік орталығының жоспарына сәйкес, 12 желтоқсан күні Теміртау қаласының № 2 қазақ мектебінде қазақ тілі мен әдебиеті мұғалімдерінің облыстық "Ұлы дала ұлағаты" атты форумы болып өтті. Облыстық форумға қазақ тілі мен әдебиеті мұғалімдері және білім бөлімдерінің әдіскерлері қатысты. Тағылымы мол іс шараға белгілі профессор С.С.Контаев, мәдениет қайраткері, С. Сейфуллин атындағы облыстық қазақ драма театрының актрисасы Қ. Қ. Жырымбаева және ақын Қ. Асқар, журналист, аудармашы Е. Мельсұлы қатысты. Абай, Осакаровка аудандары, Теміртау, Саран, Шахтинск қаласының қазақ тілі мен әдебиеті пәндері мұғалімдері шеберлік сыныптар, сахналық қойылымдар, жобалар және көрмелер дайындап, көрсетті.
