Қарағанды облысында білім беруді дамытудың

2020 жылдың 20 қазанында оқу-әдістемелік орталық ZOOM платформасында онлайн режимде пленарлық бөлімде Ө.А. Байқоңыров атындағы «Төртінші өнеркәсіптік революция дәуіріндегі білім беру» республикалық ғылыми-практикалық конференциясын өткізді.

Конференцияны Қарағанды облысының білім беруді дамыту оқу-әдістемелік орталығы директорының м.а. Әбдікерова Б.Х. ашты. Конференцияға қатысушыларды Қазақстан Республикасы Білім және ғылым министрлігінің «Дарын» республикалық ғылыми-практикалық орталығының директоры А. А. Боранбай құттықтады.

Пленарлық бөлімде сөз сөйлеп, жұмыс тәжірибесімен бөлісті:

Бейсенбекова Н.А., тарих ғылымдарының кандидаты, Е.А. Бөкетов атындағы Қарағанды университеті Археология және этнология, Отан тарихы кафедраларының доценті «Өлкетану – ұлттық жаңғыру» тақырыбы бойынша;

Қонтаев С.С., Қарағанды облысының білім басқармасы басшысының кеңесшісі, профессор, техника ғылымдарының кандидаты «Ақылды технологиялар – еңбек өнімділігін дамыту мүмкіндігі» тақырыбы бойынша;

Байқоңырова А.О., профессор «Жеке тұлға ретінде қалыптасуымызға әке бейнесінің әсері» тақырыбы бойынша;

Құрманалиев С.А., Жезқазған қаласының «№1 ЖОББМ» КММ тарих пәнінің мұғалімі «Ұлы дала мәдениеті. Мәдениеттегі ұрпақтар байланысы» тақырыбы бойынша.

Конференция қатысушыларына виртуалды мұражайлар ұсынылды:

• - Тұңғыш Президент мұражайы (Теміртау);
• - Әлімхан Ермеков атындағы мұражай - (Шет ауданы);
• - Абай Құнанбаев атындағы мұражай – (Сәтбаев);
• - Бауыржан Момышұлы атындағы мұражай - (Теміртау);
• - Әлихан Мусин атындағы мұражай- (Балқаш);
• -  КАРЛАГ мұражайы - (Шахтинск).

Бейнеконференцияға Қазақстан Республикасының педагогтері қатысты.

Барлығы 456 адамды қамтыды.