Қарағанды облысында білім беруді дамытудың

2020  жылдың  24  қараша  күні   Қарағанды  облысында  білім  беруді  дамытудың  оқу-әдістемелік  орталығында  Бұқар-Жырау    ауданының  Тірек  мектептерінің  магниттік  мектептермен  атқарған  жұмыстары  және  2020-2021  оқу  жылының  жоспары  туралы  есеп  беру вебинары  өтті.

Кестеге сәйкес ауданның  екі   Тірек  мектебінде (РО) және екі магниттік мектептерде атқарылған жұмыстары  тыңдалды.  Атап  айтқанда:

• «Үштөбе» ЖОББ Тірек мектебі (РО);

• «Байқадам» ЖОББ Магниттік мектебі;

• «Ростовка» ЖОББ Тірек мектебі (РО); 

• «Волховка» ЖОББ Магниттік мектебі.

Есеп беру вебинары барысында мектеп директорлары 2019-2020 оқу жылында  магниттік мектептермен өткізілген шараларға және әдістемелік жұмыстарға тоқталып, жаңа оқу жылының жоспарын ұсынды. Сонымен бірге облыстық «Ауыл-Қала» жобасы, «Назарбаев Зияткерлік Мектебінің» іс-тәжірибесін тарату бойынша атқарылған жұмыстар таныстырылды. Жұмыс барысындағы анықталған мәселелерді шешу бойынша ұсыныстар айтылды.