umc-ro@umckrg.gov.kz
2015 жылдың 8 желтоқсанында Теміртау политехникалық колледжінде кәсіптік және техникалық білім беру ұйымдары жастар көшбасшыларының I облыстық форумы болып өтті.
Форумға Қарағанды облысы техникалық және кәсіптік білім беру ұйымдарынан 60 оқытушы, 320 студент қатысты.
Облыстық форумның ашылуы Қарағанды облысының жастарын біріктіруді мақсат еткен тимбилдинг түрінде өтті. Модератор – Қарағанды политехникалық колледжінің оқытушысы Бекмурзаев Бахтияр Перналиевич салтанатты жиында облыстың 5 аймағынан келген студенттермен бірлесіп жұмыс жасады.
Форум аясында 12 дискуссиялық алаң жұмыс жасады.
«КТК» алаңында Қарағанды технико-құрылыс колледжінің студенті, жастар бірлестігінің төрағасы – Майқошқаров Галым спикер қызметін атқарды.
Қарағанды облысы техникалық және кәсіптік білім беру ұйымдары Көңілді тапқырлар клубының достық кездесуінде жастар өздерінің әзілге соншалық жақындықтарын және топта жұмыс істей білу қабілеттерін көрсете білді. Сонымен қатар көрермендерге 5 маңызды жаңалық ұсынды.
Форум алаңдарының тағы бірінде «Жарыссөз» клубының жұмысы жүргізілді. Жарыссөз американдық парламенттік форматта өтті.
Салауатты өмір салтын насихаттап, студенттерге эстетикалық тәрбие беру мақсатында «All styles Battle» алаңында студенттер би жарысынан бәсекеге түсті. Алаңға жетекшілік еткен Шахтинск технологиялық колледжінің оқытушысы Романенко Ольга.
Студенттік құқықтық клуб жұмысын ұйымдастыру арқылы ТжКБ студенттерінің құқықтық сауаттылық деңгейін көтеру үшін, «Жастар және құқық» клубы жұмыс істеді.
Алаңдағы студенттер 4 топқа бөлініп, әр топ өз құқықтары мен міндеттерін кластер түрінде жасады, жасалған жұмыс нәтижелері көпшілік алдында қорғалды.
«Форум - театр» алаңында жастар өміріндегі жалпы құндылықтардың маңызы талданып, құнды ой-пікірлер ортаға салынды. Алаң спикерлері – Абутаева Сапаргуь Базарбаевна - Теміртау технологиялық колледжінің оқытушысы, Жолмаханов Жангали – Қарағанды «Фемида» заң колледжінің оқытушысы.
«Өз ісің: мүмкіндіктер нұсқасы, стратегиялар» алаңының спикері қызметін «Cultivating and enriching community» корпорациясының дамыту бойынша директоры Жаманчинов Азамат атқарды. Спикер жастарға өз ісіңді ашу және бизнесті рәсімдеу жолдарын, шағын және орта бизнеспен айналысу жайлы кең түрде баяндады.
«Кәсіпкер болу өз қолыңда» алаңында тақырыпқа сәйкес тренинг өткізілді. Тренингті «Нұр Жастар» білім беру орталығының оқытушысы Морозов Дмитрий жүргізді. Спикер жеке кәсіппен айналысатын адамдардың табысқа қалай жететіндіктерін баяндап, жастардың жеке кәсіпке деген қызығушылықтарын оятты.
Форумның екінші бөлімінде Қарағанды облысы білім басқармасының басшысы Аймағамбетов Асхат Канатовичтің қатысуымен дөңгелек үстел болып өтті. Дөңгелек үстел барысында облыстық жастар бірлестігін жандандыру төңірегіндегі сұрақтар талқыланды.
