umc-ro@umckrg.gov.kz
Қазақстан Республикасы Оқу-ағарту министрлігінің «Дарын» республикалық ғылыми-практикалық орталығымен 2023 жылдың 1-3 наурызы күндері жас педагогтер арасында «Дарынды балаларға - талантты ұстаз» республикалық педагогикалық олимпиадасы өткізілді.
Олимпиада барысында қатысушыларға кәсіби педагогикалық қызмет деңгейін көрсетіп, Қазақстанда және өз өңірінде білім беруді дамытуға ықпал ете алатын өзінің бірегей идеясын TED-х форматында ұсыну мүмкіндігі берілді.
Олимпиадаға Қарағанды облысынан үш педагог қатысып, «Жас педагогтер» бағыты бойынша келесі педагогтер марапатталды:
I орын - Еділбай Айтөре Алтынбекұлы, «Мұрагер» мамандандырылған мектеп-лицей-интернаты» КММ математика пәнінің мұғалімі.
III орын - Нұржанова Перизат, Бұқаржырау ауданының «Үштөбе тірек мектебі (РО)» КММ биология пәнінің мұғалімі.
Ал Жамарханова Ардақ Асқарқызы, Приозерск қаласының «№1 жалпы білім беретін мектебі» КММ қазақ тілі мен әдебиеті пәнінің мұғалімі «Дарын» республикалық ғылыми-практикалық орталығының грамотасымен марапатталды.
Біздің жас педагогтерімізді жеңіске жетулерімен шын жүректен құттықтаймыз, сондай-ақ оқу - тәрбие процесінде жаңа инновацияларды іздеуде және іске асыруда одан әрі табыстар тілейміз!
