umc-ro@umckrg.gov.kz
2016 жылдың 25 ақпанында облыстың мектепке дейінгі білім беру ұйымдарының қызметкерлері үшін «Заманауи мектепке дейінгі білім: негізгі бағыттары, мәселелері, келешегі» тақырыбында IVғылыми-тәжірибелік конференциясы өтті.
Мектепке дейінгі білім беру ұйымдары қызметкерлерінің ғылыми-тәжірибелік конференциясын ББД ОӘО директоры Қожахметова Гүлсім Шабданқызы ашты. Конференцияны Қарағанды облысы білім басқармасы басшысының кеңесшісі, әдіскер, Ы. Алтынсарин атындағы білім беру Академиясының тілші мүшесі, профессор, т.ғ.д. Қонтаев Сәбит Сейітұлы жүргізді.
Конференцияға Смолькина Татьяна Петровна, педагогика және психология кафедрасының профессоры, п.ғ.д., Қазақстан педагогика ғылымдарының академигі, «БАҰО Өрлеу» АҚ бөлімшесінің мектепке дейінгі тәрбие және бастауыш білім кафедрасының меңгерушісі, Кульмаганбетова Бахыт Мухамеждановна, Қарағанды «Болашақ» маңызды білім беру колледжінің мектепке дейінгі тәрбие және білім бөлімінің меңгерушісі қатысты.
Конференцияның өту барысында Қарағанды облысы аймақтарының педагогтарының баяндамалары тыңдалып, талқыланды. Облыстағы мектепке дейінгі білім берудің мәселелері мен келешегі жайындағы маңызды сұрақтар қарастырылды. Барлық баяндамалар маңызды сипат алып, тыңдаушылардың қызығушылығын туғызды.
Балалардың ерте жастан дамуы, қосымша инновациялық ресурстар арқылы әдістемелік жұмыстарды оңтайландыру, «Мәңгілік ел» идеясы арқылы балаларда отансүйгіштік тәрбие қалыптастыру, мектепке дейінгі және бастауыш сыныптар арасындағы сабақтастықты ұйымдастыру, ересек тобындағы балалардың логикалық ойлауын дамыту құралы ретінде дойбы ойнау, дарынды балаларға психологиялық-педагогикалық сүйемелдеу көрсету сияқты мәселелі сұрақтар талқыланды.
Пленарлық отырыс іскер, кәсіби деңгейде өткенін атап өткен жөн.
Күннің екінші жартысында ерте және мектеп жасына дейінгі балалармен заманауи технологияларды қолдану бойынша «Шеберлік - сынып» форматында педагогтар бір бірімен тәжірибе алмасқан секциялық топтардың отырыстары өтті.
Көрнекі презентациялық материалдармен «Құлыншақ» балабақшасы, Сәтпаев қаласы, «Қазіргі мектепке дейінгі білім беру жүйесінде балаларды музыкалық тәрбие арқылы дамытудың актуалды мәселелері», «Лэпбук мектеп жасына дейінгі балалар білімін жүйелендірудің жаңа әдісі ретінде», Осакаровка ауданы, «Балдырған» б/б, «Эксперименталдық жұмыс мектеп жасына дейінгі балалардың танымдық белсенділігін дамыту құралы ретінде», Қарағанды қаласы, «Балақай» б/б, «Отбасы мен балабақша - баланы бірыңғай дамыту жүйесі»педагогтарының Бұқар жырау ауданы «Аяла» б/б педагогтары бөлісті.
Педагогтар конференция жұмысын жоғары дәрежеде бағалап, осындай жұмыс түрлері қажетті және маңызды деп санайды. Конференцияға қатыса отырып, облыстың мектепке дейінгі білім беру ұйымдарының педагогтары белгілі бір жұмыс тәжірибелеріне ие болды.
