umc-ro@umckrg.gov.kz
2023 жылдың 23 тамызында Қарағанды облысында білім беруді дамытудың оқу-әдістемелік орталығының техникалық және кәсіптік білім беру бөлімі техникалық және кәсіптік, орта білімнен кейінгі білім беру ұйымдарының «Өнер және гуманитарлық ғылымдар» бағыты бойынша педагогтерінеарналған «Ұлттық құндылықтарға негізделген тәрбие мен білім» тақырыбында әдістемелік күн өткізді.
Бағдарламаға сәйкес, техникалық және кәсіптік білім беру бөлімінің әдіскері Баймаганбетова Т.М. 2023-2024 оқу жылына арналған облыстық әдістемелік бірлестіктің жұмысын ұйымдастырумен таныстырды, қатысушылармен жұмыс жоспарын және педагогтердің деректер базасын қалыптастыруды талқылады.
Келесі кезекте «Қарағанды машина жасау колледжі» КММ тарих және гуманитарлық пәндер оқытушысы Акимова Ю.И «Жас ұрпақты тәрбиелеудегі Абай қара сөздерінің тәрбиелік аспектісі» тақырыбында баяндама жасап, дана да, дара Абайдың қара сөздерінен мысалдар келтіре отырып, жас ұрпақты тәрбиелеудегі маңызды аспектілеріне тоқталып, бай философиялық тұжырымдарын ұрпақ тәрбиесінде тиімді пайдалану мүмкіндіктерін көрсетті.
Екінші кезекте «Абай Құнанбаев атындағы Саран жоғары гуманитарлық техникалық колледжі» КМҚК тарих пәнінің оқытушысыЗагайнова Ю.В. «Мағжан Жұмабаев педагогикасындағы адамгершілігі жоғары тұлғаны қалыптастыру мәселелері»тақырыбында баяндама жасап, пән оқытушылары мен тәрбиешілерге бала тәрбиесінде Мағжан педагогикасын ұтымды пайдалану, адамгершілігі жоғары тұлға қалыптастыруда қолдануға болатын методикалық, тәжірибелік әдіс-тәсілдер туралы тұжырымды ойларымен бөлісті.
Іс-шара соңында ұйымдастырушылық мәселелер талқыланды, қорытындылар жасалып, жаңа оқу жылына тапсырмалар мен ұсынымдар шығарылды.
Іс-шараға облыс колледждерінің 26педагогы қатысты.
