umc-ro@umckrg.gov.kz
2023 жылдың 28-29 қыркүйегінде Қарағанды облысында білім беруді дамытудың оқу-әдістемелік орталығы «Қарағанды технология және сервис колледжі» КМҚК базасында техникалық және кәсіптік, орта білімнен кейінгі білім беру ұйымдарының педагогтері арасындағы сервис және қызмет көрсету саласының «Сән технологиясы» құзыреті бойынша кәсіби шеберліктің өңірлік байқауын өткізді.
Конкурстың мақсаты сервис және қызмет көрсету саласы бойынша техникалық және кәсіптік, орта білімнен кейінгі білім беру ұйымдарының талантты, дарынды шығармашыл педагогтерін анықтау, қолдау болып табылады.
Байқау бірнеше кезеңде өтті, олардың әрқайсысында қатысушылар теориялық және практикалық дайындықтарын, сондай-ақ кәсіби дағдыларын көрсетті.
Барлық қатысушыларды тәуелсіз қазылар алқасы бағалады. Қорытындысы бойынша жеңімпаздар анықталды.
1 орын – Митрушова Светлана Николаевна, «Теміртау индустриалды-технологиялық колледжі» КММ арнайы пәндер оқытушы;
2 орын - Шептунова Инга Вениаминовнаға, «Қарағанды технология және сервис колледжі» КМҚК өндірістік оқыту шебері;
3 орын - Щелокова Александра Витальевнаға, «Сервис» Колледжі» ЖММ өндірістік оқыту шебері.
Облыстық кезеңде 1 орын алған қатысушылар сервис және қызмет көрсету саласы бойынша техникалық және кәсіптік, орта білімнен кейінгі білім беру ұйымдарының педагогтері арасындағы республикалық кәсіби шеберлік байқауына қатысуға құқылы.
Жеңімпаздар Қарағанды облысында білім беруді дамытудың оқу-әдістемелік орталығының дипломдарымен, қатысушылар сертификаттарымен марапатталды.
