umc-ro@umckrg.gov.kz
2023 жылдың 4 желтоқсанында Қарағанды облысында білім беруді дамытудың оқу-әдістемелік орталығының жоспарына сәйкес «Дарын» мамандандырылған мектеп-лицей интернаты» КММ-нің педагогтері іс тәжірибесін таратты. Іс-шараға облыстық мамандандырылған мектеп-лицей интернаттары, арнайы мектеп-интернаттары директорларының тәрбие жұмысы жөніндегі орынбасарлары мен кітапханашылары қатысты.
Семинар барысында «Ғибрат» әжелер мектебінің жұмысы, «Оқуға құшар мектеп» жобасы аясында «Үйреткен әдеп-ибасын, әжемнің өзі бір мектеп» әдеби-сазды композициясы мен қазақ тілі мен әдебиеті, орыс тілі мен әдебиеті, ағылшын тілі мұғалімдері мен интернат тәрбиешілері шеберлік сағаттарын көрсетті. Іс-шара соңында мектеп оқушыларының қатысуымен М. Әуезовтың «Айман-Шолпан» драмалық комедиясынан қойылған қойылым ұсынылды.
