ФИЗИКА ПӘНІ МҰҒАЛІМДЕРІНІҢ ҚЫСҚЫ МЕКТЕБІ

05-01-2024 20:40

Қарағанды облысында білім беруді дамытудың оқу-әдістемелік орталығымен 2024 жылдың 03 – 05 қаңтары аралығында физика пәнінің мұғалімдері үшін Қысқы мектеп жұмысы ұйымдастырылды.

Қысқы мектеп аясында мұғалімдер күрделі тақырыптарды оқытудың тиімді әдіс-тәсілдерімен бөлісті, күрделі есептерді шешу әдістерін көрсетті, тақырыптарды бекіту және жалпылау үшін қолдануға болатын әртүрлі сайттар туралы айтып өтті. Сондай-ақ, мұғалімдер сабақ үрдісінде заманауи тәсілдерді және IT технологияларды қолдану тәжірибесімен бөлісті.

Теміртау қаласы мен Бұқаржырау ауданының педагогтері өздерінің іс-тәжірибелерімен бөлісті. Барлығы облыс бойынша 300-ге жуық физика пәнінің мұғалімдері қатысты.