umc-ro@umckrg.gov.kz
2024 жылдың 17 қаңтарында Құқықтық сауаттылық апталығы аясында Қарағанды облысында білім беруді дамытудың оқу-әдістемелік орталығы сыбайлас жемқорлыққа қарсы мәдениетті арттыру мақсатында педагогикалық қызметкерлердің облыстық семинарын өткізді.
Мақсаты: сыбайлас жемқорлыққа қарсы мәдениетті қалыптастыру, техникалық және кәсіптік, орта білімнен кейінгі білім беру ұйымдарының қызметкерлеріне сыбайлас жемқорлыққа қарсы тәрбие мен оқыту мәселелерін шешуге әдістемелік қолдау көрсету.
Семинарға 59 директордың тәрбие ісі жөніндегі орынбасарлары мен құқық пәнінің оқытушылары қатысты.
«Қарағанды облысында білім беруді дамытудың оқу-әдістемелік орталығы» КМҚК директорының орынбасары Татьяна Георгиевна Нартова алғы сөз сөйлеп, сыбайлас жемқорлыққа қарсы мәдениеттің негізі – адалдық екенін атап өтті.
«Білім беру қызметкерлерінің арасында сыбайлас жемқорлыққа қарсы мәдениетті дамытудың негізгі шаралары» тақырыбында Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қазақстан Республикасы Білім және ғылым министрлігінде департаменті жанындағы ақпараттық-білім беру пулының спикері Жұмабеков Бейбіт Қайыржанұлы сөз сөйледі.
Сондай-ақ, «Сыбайлас жемқорлық құқық бұзушылықтар және олар үшін қылмыстық жауапкершілік», «Мемлекеттік қызмет пен мемлекеттік басқару мүдделеріне қарсы сыбайлас жемқорлық және басқа да қылмыстық құқық бұзушылықтар» тақырыптары бойынша «Қарағанды жоғары политехникалық колледжі» КМҚК құқық және экономикалық пәндер оқытушыларыАйнура Бериковна Абдрашидова, Айтман Елдос Ерғазыұлы сөз сөйлеп, қатысушыларды сыбайлас жемқорлыққа қарсы мәдениет турасында нормативтік-құқықтық актілермен таныстырды.
«Қарағанды облысында білім беруді дамытудың оқу-әдістемелік орталығы» КМҚК білім беру мазмұнын талдау және стратегиялық дамыту бөлімінің меңгерушісі Айгуль Зейнулаевна Мухамедьярова білім берудегі академиялық адалдықтың рөлі туралы айтып, нақты мысалдармен оқу-тәрбие процесіндегі академиялық адалдық мәселелерін атап көрсетті.
