umc-ro@umckrg.gov.kz
2024 жылдың 27 қыркүйегінде «Қарағанды облысында білім беруді дамытудың оқу-әдістемелік орталығы» КМҚК жетекшілігімен, «Тәттімбет атындағы Қарағанды өнер колледжі» КМҚК ұйымдастыруымен техникалық және кәсіптік, орта білімнен кейінгі білім беру ұйымдарының қазақ тілі мен әдебиеті пәні оқытушыларының мемлекет және қоғам қайраткері, қазақ әдебиетінің негізін қалаушы, ақын, жазушы Сәкен Сейфулиннің 130 жылдығына арналған «Тіл - қазына» атты республикалық дөңгелек үстелі өтті.
Іс-шараның шымылдығын «Қарағанды облысында білім беруді дамытудың оқу-әдістемелік орталығы» КМҚК директоры Абдикерова Бакитгул Химальдиновна ашып, дөңгелек үстел қатысушыларына сәттілік тіледі. Одан кейін сөз алған шара қонақтары Сәкен Сейфуллиннің ұрпағы Сейфуллин Сәкен Орынбекұлы, С. Сейфуллин музейінің директоры, тарих ғылымдарының докторы, профессор Әбсеметов Марат Оралбайұлы, Академик Е.А.Бөкетов атындағы Қарағанды зерттеу университеті профессоры, филология ғылымдарының докторы Жандос Смағұл Қожахметұлы тау тұлға жайлы жан-жақты, тұщымды ақпараттар берді. Сәкен Сейфуллин музейіне виртуалды саяхат жүргізілді.
Республикамыздың түпкір-түпкірінен Атырау, Ақтау, Ұлытау, Қарағанды, Петропавл, Батыс Қазақстан облысының колледж ұстаздары Сәкен Сейфуллиннің рухани мұрасын сан қырынан ашуға ат салыса отырып, тәжірибелік жұмыстардын қатысушылар назарына ұсынды.
«Сыр сандықты ашып қара…» (Сырға толы Сәкен әлемі), «Қазақ поэзиясының Альбатросы» (Сәкеннің сыршыл лирикасы), «Өлімге жан екенсің қия алмайтын...» (С. Сейфуллин прозасы мен драматургиясы хақында), Сәкенннің саз әлемі (С. Сейфуллиннің музыкалық мұрасы туралы) бағыттары бойынша еліміздің әр өңірінен педагогтер қатысып, мазмұнды да құнарлы жұмыстарды ұсынды. «Тәттімбет атындағы Қарағанды өнер колледжі» КМҚК студенттері Нұрғазы Нұрғанибет, Тілеубай Аман әнмен шашу шашты.
Дарабоз ақынның мерейтойына орайластырылып өткізілген тағылымды шара жоғары деңгейде өтті.
