Қарағанды облысында білім беруді дамытудың

      2024 жылдың 23 қазанында Республика күніне орай  мектептің өзін-өзі басқару ұйымының Президенттері 2024 жылы Парижде өткен XVII Жазғы Паралимпиадада ядроны лақтыру ойындарының қола жүлдегері Мұқашбеков Дастан Мұратұлымен кездесті.

МұқашбековДастан Мұратұлы біздің орталыққа арнайы шақырылып, оқушыларға өзі туралы, спорттық мансаптары жайлы айтып, кәсіби жетістіктері мен табыстарының құпияларымен бөлісті. Сондай-ақ, спортшы қатысушылар тарапынан қойылған түрлі сұрақтарға жауап берді.

Қонағымыз ең бастысы  қиындықтарға қарамастан әрқашан алға ұмтылу керек екенін атап өтті және оқушыларға алға қойған мақсаттарына жетуді тіледі. 

Спортшымен кездесу оқушыларға жағымды эмоциялар сыйлады. Кездесу соңында спортшымен естелік фотосуретке түсіп, қолтаңба алды. Тартымды өткен кездесу соңында «Қарағанды облысында білім беруді дамытудың оқу-әдістемелік орталығы» КМҚКдиректоры Абдикерова Бакиткул Химальдиновна қонаққа алтын уақытын бөліп келгені үшін  зор алғысын білдіріп, кітап сыйға тартты.