umc-ro@umckrg.gov.kz
Қарағанды облысында білім беруді дамытудың оқу-әдістемелік орталығы 2024 жылғы 11 желтоқсанда «Тарих толқынында» тарихи сауаттылық апталығы аясында Саран қаласының «Абай атындағы жалпы білім беретін мектебі» КММ базасында «Үздік тарихшы – 2024» облыстық байқауының финалдық кезеңін өткізді.
Іріктеу кезеңінің қорытындысы бойынша Қарағанды облысының 5 тарих мұғалімі финалға шықты.
Байқаудың қорытынды кезеңінде финалистер өздерін таныстырып, «Тарихи тұлғалар» театрландырылған қойылымын, «Оқытудағы жасанды интеллект: тек тәжірибе!» тақырыбында ТEDx көрсетті.
Дәстүр бойынша, «Үздік тарихшы-2023» облыстық байқауының жеңімпазы Шет ауданы Жамбыл Ақылбаев атындағы мектеп - гимназиясының тарих пәнінің мұғалімі Ахметов Бексултан Ерденұлы финалистерді құттықтап, сөз сөйледі.
Байқауға қатысушыларды құзыретті қазылар алқасы Е.А. Бөкетов атындағы Қарағанды зерттеу университетінің «Тұлғатану» ғылыми-зерттеу орталығының директоры, тарих ғылымдарының кандидаты, доцент Бейсенбекова Нұрсахан Ахметқызы, Е.А. Бөкетов атындағы Қарағанды зерттеу университетінің дүниежүзілік тарих және халықаралық қатынастар кафедрасының доценті Кенжеғали Жарас Мақанұлы, Қарағанды облысының тарих мұғалімдері қауымдастығының төрайымы Баймұхатова Бақыт Хажымұратқызы, Қарағанды жоғары гуманитарлық колледжінің тарих пәнінің мұғалімі Аяған Алтай Бодеевич бағалады.
Шет ауданы, Жарық ауылының жалпы білім беретін мектебінің мұғалімі Уребаев Әділет Оркенұлы - «Үздік тарихшы – 2024» облыстық байқауының жеңімпазы атанды.
2-орынды Балқаш қаласының Сәкен Сейфуллин атындағы №7 мектеп-гимназиясының мұғалімі Спатаева Шырақ Сағындыққызы мен Осакаров ауданының Әлихан Бөкейханов атындағы мектебінің мұғалімі Мәсәлім Еламан Сайранұлы иеленіп/
3-орынды Қарқаралы ауданы, Жаңатоған ауылының №14 жалпы білім беретін мектебінің мұғалімі Әріп Айшабибі Асқатқызы мен Теміртау қаласының Бірінші классикалық лицейінің мұғалімі Нұрғалиев Темірлан Мұхтарұлы иеленді.
«Үздік тарихшы-2024»облыстық байқауына қатысушыларды құттықтаймыз!
