umc.krg@karagandyedu.kz
Қарағанды облысының орта білім беру ұйымдарының түлектеріне ақпараттық және әдістемелік қолдау көрсету мақсатында 2026 жылғы 27 сәуір мен 12 мамыр аралығында Қарағанды облысында білім беруді дамытудың оқу-әдістемелік орталығы «Кәсіптік бағдар сағаты — 2026» облыстық вебинарлар циклін ұйымдастырып, өткізді.
Бұл іс-шара 9, 11-сынып оқушыларының болашақ мамандықты саналы түрде таңдауына ықпал етуге және олардың әрі қарайғы оқу траекториясын айқындауға бағытталды.
Диалогтық үдеріске өңірдің 150-ден астам орта білім беру ұйымдары, сондай-ақ мемлекеттік және жекеменшік техникалық және кәсіптік, орта білімнен кейінгі білім беру ұйымдары қатысты.
ТжКОБ ұйымдарының өкілдері сұранысқа ие мамандықтардың ерекшеліктерін, түсу шарттарын, дуалды оқыту мүмкіндіктерін және түлектерді әрі қарай жұмысқа орналастыру жолдарын ашатын презентациялық материалдарды көрсетті.
Болашақ талапкерлер мен олардың ата-аналары өзекті сұрақтарға тікелей қабылдау комиссияларының өкілдерінен толыққанды жауаптар алды.
«Мектеп — Колледж» жүйесіндегі өзара іс-қимылды үйлестіру өңірдегі кәсіптік білім беру мүмкіндіктері туралы ақпараттың ашықтығы мен қолжетімділігін қамтамасыз етуге мүмкіндік берді. Вебинарлардың презентациялық материалдары кәсіптік бағдар беру жұмысында әрі қарай пайдалану, сондай-ақ 2026 жылғы қабылдау науқаны қарсаңында тақырыптық сынып сағаттары мен ата-аналар жиналыстарын өткізу үшін орта білім беру ұйымдарына жолданды.
