Қарағанды облысында білім беруді дамытудың

     2026 жылғы 29 мамырда Қарағанды облысында білім беруді дамытудың оқу-әдістемелік орталығының ұйымдастыруымен «Шахтинск технологиялық колледжі» КМҚК базасында Қарағанды облысының ТжКОБ ұйымдарының студенттері арасында «Дәнекерлеу ісі» мамандығы бойынша облыстық олимпиада өтті.

    Олимпиаданың мақсаты — студенттердің кәсіби, аналитикалық және технологиялық құзыреттіліктерін анықтау мен дамыту үшін жағдай жасау, сондай-ақ өндірістің заманауи талаптары мен еңбек қауіпсіздігі стандарттарына сәйкес білікті жұмысшы кадрларды даярлау сапасын арттыру болып табылады.

Олимпиадаға Қарағанды облысының бейінді колледждерінен 7 студент қатысты.

     Олимпиада екі кезеңнен тұрды: бірінші кезең (іріктеу) – компьютерлік тестілеу, екінші кезең – қатысушылардың техникалық тапсырмаларды талдау, технологиялық ақауларды анықтау және инженерлік шешімдерді негіздеу білігін тексеруге бағытталған өндірістік кейстерді шешуге арналған жағдаяттық-аналитикалық тапсырма.

    Барлық студенттерді тәуелсіз қазылар алқасы критерийлер бойынша бағалады. Олимпиаданың екі кезеңінің қорытындысы бойынша жеңімпаздар анықталды:

1 орын – Тихомиров Андрей, «Шахтинск технологиялық колледжі» КМҚК;

2 орын – Клейнота Вадим, «Қарағанды көлік-технологиялық колледжі» КМҚК;

3 орын – Диль Денис, «Теміртау техникалық колледжі» КМҚК.

Жеңімпаздарды құттықтаймыз және алдағы уақытта кәсіби табыстар тілейміз!»