umc-ro@umckrg.gov.kz
2016 жылдың 25 қарашасында Қарағанды облысында инклюзивті білім беруді дамыту жөнінде 2016-2019 жылдарға арналған Жол картасын іске асыру бойынша іс-шаралар жоспары аясында «Қарағанды облысының жалпы білім беретін ұйымдарын инклюзивті бағдарлауда психологиялық – медициналық - педагогикалық консультацияның рөлі» дөңгелек үстелі өтті.
Дөңгелек үстелге Қарағанды облысының білім басқармасының, Қарағанды облысында білім беруді дамытудың оқу-әдістемелік орталығының, Облыстық психологиялық – медициналық - педагогикалық консультацияның, Қарағанды қаласының «№27 ЖОББМ» КММ жанындағы ресурстық орталықтың өкілдері, аудандық және қалалық білім бөлімдерінің әдіскерлері, инклюзивті білім беру бойынша стажерлық алаңдардың директорлары орынбасарлары қатысты.
Дөңгелек үстелдің жұмысы барысында білім беру үдерісінде инклюзивтік тәжірибені психологиялық-педагогикалық-медициналық сүйемелдеуді ұйымдастыру мәселелері талқыланды.
Дөңгелек үстелдің жұмысына барлығы 45 адам қатысты.
