Қарағанды облысында білім беруді дамытудың

23-24 мамыр күндері Балқаш қаласында «Назарбаев Зияткерлік мектептері» тәжірибесін тарату бойынша мектептер арасындағы білім беру байланыстарын тереңдету және нығайту мақсатында «Ұлы дала мұрагерлері» форумы өтті.

Іс-шараға Балқаш, Приозерск қалалары мен Ақтоғай, Шет аудандарының оқушылары мен педагогтары, педагогикалық еңбек ардагерлері мен ата-аналар қауымы қатысты.

Форум барысында НЗМ тәжірибесін есепке ала отырып, Балқаш өңірінің әр мектебіне тәрбие мен оқыту нәтижелерінің практикалық-бағдарын күшейтуге, мектеп дамуының қалыптасуы мен жүзеге асуына жан-жақты қолдау көрсетілді.

Назарбаев Зияткерлік мектебінің негізгі жобалық бағыттары бойынша барлығы 11 алаң назарға ұсынылды:

• жаңартылған білім беру мазмұны бойынша шеберлік сыныптар;
•  «Шеберлер қаласы»жобасы;
•  «Bookkrossing»жобасы;
•  «Қоғамға қызмет етемін»жобасы;
• «100 күйдің тарихы»жобасы;
• «Reading Time»жобасы;
•  «100 кітап» жобасы;
• «Жастар – Мәңгілік елдің болашағы!» флешмобы;
• «Әлеуметтік тәжірибе»жобасы- «Екі апта ауылда»;
• «Әлеуметтік тәжірибе»жобасы- «Екі апта ауылда», «Ата-ана кәсіпорнында 10 күн», «Баланы жұмысқа ал» және т.б.;
•  «Ұлы дала мұрагерлері» қорытынды концерті.

Форум қатысушылары өз ризашылықтарын білдіріп, «Ұлы дала мұрагерлері» форумының үлкен тәжірибелік мәні бар екенін атап өтті.

Форум жұмысына Балқаш өңірінің 2500-нан астам оқушылары мен 2300 педагогтары және ата-аналар қауымынан 5000 адам қатысты.