Қарағанды облысында білім беруді дамытудың оқу-әдістемелік орталығының базасында 2021 жылдың 12 қаңтарында әдістемелік кабинеттердің меңгерушілері мен мамандандырылған мектеп интернаттарының директорлары үшін кеңес өткізілді.
Қарағанды облысында білім беруді дамытудың оқу-әдістемелік орталығы директорының м.а. Абдикерова Бакиткул Хималдиновна жиналысқа қатысушыларға сөз сөйлеп, 2021 жылға арналған ҚО ОӘО жұмыс жоспарымен таныстырды.
Сондай-ақ, кеңес барысында келесі мәселелер қаралды:
- 2020 жылдың қараша-желтоқсан айларындағы педагогтарды аттестаттау жөніндегі облыстық сараптамалық кеңес жұмысының қорытындысы;
- «Зейін» жобасын іске асыру. «Зейін» жобасы аясындағы І жартыжылдықтағы жұмыс қорытындылары;
- Функционалдық сауаттылықты дамытуға арналған апталықтар өткізу;
- Математика, физика, химия, биология мұғалімдеріне арналған «Педагогикалық идеялар» авторлық бағдарламалар конкурсын өткізу;
- «Бірге оқимыз!» жобасы аясында 2020-2021 оқу жылының 1 жартыжылдығындағы өткен воркшоптар;
- Күзгі және Қысқы мектеп аясында оқушыларды олимпиадаға дайындау бойынша шеберлік-сыныптарын өткізуді талдау;
- «Бір отбасы-бір кітап» Акциясы мен «Өнегелі өмір» жобасының І жартыжылдық қоры;
- Білім беру ұйымдарында буллингтің алдын алу бойынша әдістемелік ұсынымдар;
- ҚР Мемлекеттік рәміздерін насихаттау және қолдану бойынша жұмысты ұйымдастыру;
- 2020 жылға балаларға арналған қосымша білім беру ұйымдарын бағалау критерийлері;
- 2020-2021 оқу жылының І жартыжылдығында «Білімал. Электрондық мектеп» электронды журналын жүргізуі туралы;
- UMC_OK мобильді қосымшасының жұмысы туралы;
- «Ауыл мектебі» жобасын іске асыру.
Кеңес қорытындысы бойынша әдістемелік кабинеттердің меңгерушілері мен мамандандырылған мектеп-интернаттардың директорларына арналған ұсынымдар айтылды.
Кеңеске әдістемелік кабинеттердің 18 меңгерушісі және мамандандырылған мектеп-интернаттардың 10 директоры қатысты.