![«Абай жаққан бір сәуле сөнбеу үшін» тақырыбындағы облыстық ғылыми-практикалық конференциясы](/media/img/blogs/603712998c599.jpg)
2021 жылдың 24 ақпанында қазақ тілі және әдебиеті пәні оқытушыларының облыстық әдістемелік бірлестігі жұмысының аясында онлайн режимде «Абай жаққан бір сәуле сөнбеу үшін» тақырыбындағы облыстық ғылыми-практикалық конференциясы өтті.
Конференцияға облыс колледждерінің 90 студенті мен олардың жетекшілері, Липетск облысы Лебедянск педагогикалық колледжінің өкілдері, арнайы шақырылған қонақ - филология ғылымдарының кандидаты, доцент, айтыскер ақын, «Арқа» айтыс ақындар мектебінің жетекшісі, «Мәдениет саласының үздігі», Қарағанды облысында «Рухани жаңғыру» жобалық кеңесінің басшысы Жұмағұлов Айтбай Ботпайұлы қатысты.
Пленарлық отырыстан кейін конференция келесі 3 секциялық отырыс бойынша жалғасты:
1. Абай – қазақ әдебиетінің классигі;
2. Абай– кемеңгер-ойшыл, философ;
3. Абай және аударма.
Конференцияның қорытынды бөлімінде секциялық отырыстардың қорытындысы бойынша модераторлар үздік жұмыстарымен көзге түскен белсенді қатысушылар мен олардың жетекшілерін атап өтті.
Барлық қатысушыларға Қарағанды облысында білім беруді дамытудың оқу-әдістемелік орталығынан сертификаттар табысталды. Сонымен қатар, конференция материалдарының жинағы дайындалуда.