umc-ro@umckrg.gov.kz
2021 жылдың 2 маусымында онлайн форматта Zoom платформасында Қарағанды «Bolashaq» жоғарғы колледжінің ұйымдастыруымен «Құқықтық навигатор» құқықтық сауаттылық апталығы аясында Қарағанды облысының техникалық және кәсіптік білім беру ұйымдарының студенттері арасында облыстық пікір-сайыс турнирі өтті.
Турнирге облыс колледждерінен 22 команда қатысты.
Турнир Американдық парламенттік формат бойынша ұйымдастырылып, 3 іріктеу кезеңінен, жартылай финалдан және финалдан тұрды.
Команда спикерлерінің 3 іріктеу турында жинаған спикерлік баллдарының қорытындысы бойынша 4 команда жартылай финалға шығып, жартылай финал мен финалдағы ойындардың нәтижелері бойынша жүлделі орындар тағайындалды:
1 орын – «Қазақмыс» корпорациясының политехникалық колледжінің «Жұлдыз» командасы, жетекшісі Болат Елдос Өмірбекұлы;
2 орын - Қарағанды жоғарғы политехникалық колледжінің «Тұлпар» командасы, жетекшісі Камбаров Нұрлыбек Арипбекович;
3 орын - Қарағанды техника-құрылыс колледжінің «Сөзмерген» командасы, жетекшісі Какембай Рахат;
3 орын - Қарағанды сән колледжінің «Алаш» командасы, жетекшісі Турбырханова Салтанат Тубырхановна.
Сонымен қатар, келесі спикерлер «Үздік спикерлер» болып танылды:
- Кенжехан Арайлым, «Қазақмыс» корпорациясының политехникалық колледжінің студенті;
- Жумажанова Дiлназ, Қарағанды жоғарғы политехникалық колледжінің студенті;
- Кокен Жанна, Балхаш қаласының медициналық колледжінің студенті.
Жеңімпаздар 1,2 және 3 дәрежелі дипломдармен, ал олардың жетекшілері – алғыс хаттармен марапатталады. Барлық қатысушы-командаларға сертификаттар табысталады.
