umc-ro@umckrg.gov.kz
Қарағанды облысында білім беруді дамытудың оқу-әдістемелік орталығы «Қашықтықтан BOOM» облыстық жобасы аясында 2021 жылдың 07-13 желтоқсан аралығында «Бейнеролик құру» тақырыбы бойынша орыс тілінде қашықтықтан оқыту курсын ұйымдастырды.
Курстың мақсаты: бейнеролик құру өнерінің негіздерін оқыту, бейне өнімдерін жасауға қызығушылықты дамыту. Бейнеролик құрудың негізгі тәсілдерін меңгеру, бейнесабақтар мен түрлі бейне-дыбыстық арнайы әсерлерді жасау, жасалып жатқан фильмнің дыбыстық сүйемелдеуімен жұмыс істеу бойынша негізгі білім алу.
Аталған курс бойынша Қарағанды облысының 20 педагогі оқудан өтті. Курсты Акижанов Ержан Нуржановичөткізді.
Педагогтер курстың заманауилығын, жаттықтырушының жоғары біліктілігін, сондай-ақ материалды жеткізудің анықтығы мен қисындылығын атап өтті.
Курс соңында бақылау жұмыстарын сәтті тапсырған барлық мұғалімдер курстан өткендігі туралы сертификаттар алды.
