umc-ro@umckrg.gov.kz
2024 жылдың 27 қарашасында Қарағанды облысында білім беруді дамытудың оқу-әдістемелік орталығының техникалық және кәсіптік, орта білімнен кейінгі білім беру бөлімімен «Жас әдіскер мектебі» шеңберінде жас әдіскерлерді оқыту бойынша ұйымдастыру отырысы өткізілді.
«Жас әдіскер мектебінің» ұйымдастырушылық мәселелері мен жұмысын жоспарлауды талқылауға бағытталған отырысқа колледждердің 27 жас әдіскері қатысты.
«Қарағанды облысы колледждерінің жас әдіскерлерінің кәсіби құзыреттілігін дамыту туралы» алғы сөзімен «Қарағанды облысында білім беруді дамытудың оқу-әдістемелік орталығы» КМҚК басшысының орынбасары Т.Г.Нартова сөз сөйледі.
Техникалық және кәсіптік, орта білімнен кейінгі білім беру бөлімінің әдіскері А.А.Кнашина қатысушыларды «Колледждердің әкімшілік құрамы мен әдіскерлерін кәсіби дамыту» бағыты бойынша жұмыс жоспарымен таныстырды.
Әрі қарай, бағдарламаға сәйкес, білім беру мазмұнын талдау және стратегиялық дамыту бөлімінің басшысы А.З.Мұхамедьярова «Колледж әдіскерлері үшін проблемалық курстарды ұйымдастыру және өткізу туралы» тақырыбында сөз сөйледі.
Отырыстың қорытынды бөлімінде «Жас әдіскер мектебінің» ұйымдастырушылық мәселелері мен жұмысын жоспарлау мәселелері талқыланып, ұсыныстар беріліп, қорытындылар шығарылды.
