umc-ro@umckrg.gov.kz
2024 жылдың 20 желтоқсанында Қарағанды облысында білім беруді дамытудың оқу-әдістемелік орталығы Қарағанды облысының білім беру Жол картасына сәйкес «Ізденімпаздарға арналған керемет ғылым» жобасы аясында «Әлем – бала көзімен» форумын өткізеді.
Форум Қарағанды қ. «Айсұлу» бөбекжайы» КМҚК базасында сағат 9.00-ден 17.00-ге дейін өтеді.
Форум тәжірибелік-эксперименттік және сындарлы-модельдік қызмет арқылы мектеп жасына дейінгі балалардың танымдық қызығушылығын қалыптастыру мақсатында өтеді.
Іс-шара екі бағытта өтеді:
• Пленарлық бөлім сағат 14.00-ден 17.00-ге дейін: «Квиз элементтері бар ғылыми панель».
• Алаңдар сағат 10.00-12.30 бастап төрт бағыт бойынша ұйымдастырылады.
Бірінші алаң: Жаратылыстану-ғылыми бағыт: «Шекарасыз ғылым: микродүниеден ғаламға дейін».
Екінші алаң: Гуманитарлық бағыт: «Ғылым көкжиектері: қарапайымнан күрделіге дейінгі ғылым әлемі».
Үшінші алаң: Физико-техникалық бағыт: «Шындық ізінде: әлемді өзгертетін ашылулар».
Төртінші алаң: Ғылыми қызметкерлердің диалог алаңы: «Ғылым көпірлері: жобаны іске асыру жолындағы нық қадамдар».
Қарағанды облысының барлық педагогтерін форумға қатысуға шақырамыз!
