umc-ro@umckrg.gov.kz
«Біртұтас тәрбие» бағдарламасы шеңберінде «Сырмақ оюлары сыр шертеді» облыстық шеберлік сағаты
2024 жылдың 20 желтоқсанында Қарағанды облысында білім беруді дамытудың оқу-әдістемелік орталығы білім беру ұйымдарының тәрбие жұмысы жөніндегі орынбасарлары мен «Даналық мектебі» жобасы жетекшілеріне «Біртұтас тәрбие» бағдарламасы шеңберінде «Мейірім» аналар мектебі жобасы аясында «Сырмақ оюлары – сыр шертеді» тақырыбында шеберлік сағаты өткізілді.
Шеберлік сағатында қатысушыларына М.Жұмабаев атындағы мектебінің директордың тәрбие ісі жөніндегі орынбасары Жуматаева Акгул Советовна, «Мейірім» аналар мектебінің жетекшісі Жумадилова Қаршыға Болатовна пилоттық жобадағы мектептерімен тәжірибе алмасу мақсатында «Біртұтас тәрбие» бағдарламасы мен «Мейірім» аналар мектебі жұмысының орындалуы жөнінде есеп берді. Өткізілген іс- шаралар «Қолөнер бұйымдары-ұрпаққа мұра», «Өнегелі 15 минут», «Балалар кітапханасы», «Ұлттық ойын-ұлт қазынасы», «Ата-аналарды педагогикалық қолдау» бағыттары бойынша жүргізілді.
Іс шара соңында мектеп ата – аналары «Менің отбасымдағы ұлттық құндылықтар», «Салауатты өмір салтын ұстанайық!» «Қыз тәрбиесі-ұлт тәрбиесі» тренингтерін өткізді.
Шеберлік сағатына қатысушылар өз іс – тәжірибелерімен бөліскен әріптестеріне ризашылықтарын білдірді.
