umc-ro@umckrg.gov.kz
2024 жылдың 17 желтоқсанында Қарағанды облысында білім беруді дамытудың оқу-әдістемелік орталығымен және Қарағанды облысы педагогтерінің қауымдастығымен бірлесіп «Ағылшын тілі сабақтарында заманауи технологияларды қолдану» тақырыбында онлайн-семинар ұйымдастырылды.
Семинарда Нұра ауданындағы А.Бөкейханов атындағы мектептің ағылшын тілі пәнінің мұғалімі Қасымова Лейла Беркінқызы және Осакаров ауданы Ы.Алтынсарин атындағы мектептің ағылшын тілі пәнінің мұғалімі Шакаева Диана Хайруллаевна шетел тілі сабақтарында мультимедиа мен мобильді қосымшаларды қолдану әдістерімен бөлісті.
Сонымен қатар, Саран қаласының №6 орта мектебінің ағылшын тілі пәнінің мұғалімі Лариса Анатольевна Бегина және №17 гимназия мектебінің мұғалімі Мария Дмитриевна Обласова жасанды интеллект арқылы интерактивті тапсырмалар дайындау бойынша шеберлік сыныптар өткізді.
Семинар барысында мұғалімдер шетел тілдерін оқытудағы заманауи технологияларды қолдану бойынша тәжірибе алмасып, кәсіби біліктіліктерін арттыруға мүмкіндік алды. Іс-шараға Қарағанды облысының 100-ге жуық ағылшын тілі мұғалімдері қатысты.
