umc-ro@umckrg.gov.kz
2024 жылдың 20 желтоқсанында Қарағанды облысында білім беруді дамытудың оқу-әдістемелік орталығы және Балқаш медициналық колледжінің ұйымдастыруымен колледж кітапханашыларының облыстық әдістемелік бірлестігі жұмысының шеңберінде мемлекет және қоғам қайраткері Қаныш Сәтбаевтың 125 жылдық мерейтойына арналған «Қаныш Сәтбаев – ұлт мақтанышы» атты облыстық дөңгелек үстелі өтті.
Дөңгелек үстелге техникалық және кәсіптік, орта білімнен кейінгі білім беру ұйымдарының кітапханашылары және студенттері қатысты.
Мақсаты:ел тарихында ерекше орны бар тұлғаларға құрмет көрсету, академиктің мол мұрасын жан-жақты дәріптеп, есімін ұлықтау, заңғар тұлғаны еске алу, ғұлама ғалымның еңбектерін дәріптеу арқылы жастар арасында ғылымға, білімге және руханият саласына деген қызығушылықты арттыру.
Іс-шараның қонағы ретінде «Балқаш өңірі» газетінің редакторыАманкулов Қуаныш Сағынтаевич, «Балқаш қаласының орталықтандырылған кітапхана жүйесі»КММ кітапханашысыУтепова Мендигул Козыкорпешовна қатысты. Іс шара барысында тарихшы, зерттеуші, Қарағанды облысының мәдениет, архивтер және құжаттама басқармасының «Қарағанды облысының ғылыми-техникалық құжаттама жөніндегі мемлекеттік мұрағаты» КММ басшысы Аршабеков Темірғали Тілеубекұлының бейнесұхбатының көресілімі ұйымдастырылды.
Дөңгелек үстелде кітапханашылар мен студенттер келесі тақырыптар бойыншасөз сөйлеп өз іс тәжірибелерімен бөлісті:«Менің халқым менен жоғары»(Қаныш Сәтбаевтың рухани әлемі,«Қазақ елінің бақыты үшін туған ғалым»(лингвист, филолог, тарихшы,ұлттық театртану, музыкатану ғылымдарына қосқан үлесі, «Ғылым көкжиегіндегі жеке тұлға»(Қазақтың тұңғыш инженер-геологы, тұңғыш ғылым докторы, мемлекет және қоғам қайраткері).
Ашық диологқа негізделген дөгелек үстел барысында баяндамашыларҚаныш Сәтбаевтың мұрасы жайында құнды деректермен, тың ақпараттармен танысып, пікір алмасты. Дөңгелек үстел жұмысына Қарағанды облысы колледждерінен 35 оқытушы және 25 студент қатысты.
