Қарағанды облысында білім беруді дамытудың

      2025 жылдың 14 наурызында Қарағанды облысында білім беруді дамытудың оқу-әдістемелік орталығының басшылығымен Қарағанды кәсіптік-техникалық колледжінің базасында «Шаштараз өнері» мамандығы бойынша өндірістік оқыту сабақтарында кәсіптік құзыреттілікті дамытудың инновациялық әдістері мен тәсілдері» облыстық шеберлік сыныбы өткізілді.

     Іс-шараның мақсаты - тәжірибе алмасу, «Шаштараз өнері» мамандығы бойынша педагогтердің құзыреттілігін арттыру.

     Бағдарламаға сәйкес, колледж педагогтерінің тақырыптар бойынша шеберлік сыныптары көрсетілді:

• «Өндірістік оқыту сабақтарындағы ақпараттық-коммуникациялық технологиялар»,

Абдряхимова Альфия Мянсуровна,  «Қарағанды кәсіптік-техникалық колледжі» КМҚК өндірістік оқыту шебері;

• «Шаштараз өнері» мамандығы бойынша кәсіптік оқыту сабақтарында онлайн-платформалар мен сервистерді, мобильді қосымшаларды қолдану»,

Пикалова Елена Викторовна, «Қарағанды технология және сервис колледжі» КМҚК өндірістік оқыту шебері;

• «Интерактивті технологиялар - оқу процесі неғұрлым серпінді және қызықты»,

Коба Ирина Петровна, «Қарағанды кәсіптік-техникалық колледжі» КМҚК арнайы пәндер оқытушысы.

     Мастер-класстарды өткізу барысында арнайы пәндер оқытушылары мен өндірістік оқыту шеберлері мамандық бойынша теориялық және практикалық сабақтар өткізуде, интерактивті оқыту материалдарын жасауда, білім алушылардың уәждемесін арттыруда тәжірибе алмасты.

     Іс-шара соңында  «Қарағанды облысында білім беруді дамытудың оқу-әдістемелік орталығы» КМҚК әдіскері И. П. Шленская қорытынды жасап, ұсыныстар берді.

Іс-шараға облыс колледждерінің 10 педагогы қатысты.