umc-ro@umckrg.gov.kz
2026 жылдың23 қаңтарында Қарағанды облысының Білім беруді дамытудың оқу-әдістемелік орталығы ZOOM платформасында инновациялық мектептердің директорлары мен директор орынбасарларына арналған әдістемелік сағат өткізілді.Әдістемелік сағат барысында білім беру үдерісінің сапасын арттыруға бағытталған өзекті мәселелер қарастырылды, оның ішінде:
- инновациялық мектептердің білім сапасының талдауы;
- педагогтердің авторлық материалдарын облыстық Сараптамалық кеңескеұсыну алгоритмі;
- «Цифрлық әлемге қадамдар» жобасы аясында байқауды өткізу;
- қазақ тілі мен әдебиеті пәні мұғалімдеріне арналған «Үздік бейнесабақ» конкурсы;
- математика пәні мұғалімдеріне арналған «Математикалық регата»республикалық олимпиадасының облыстық кезеңінің өткізілуі туралы;
- республикалық «Алтын тұғыр» олимпиадасының облыстық кезеңінің қорытындысы;
- орыс тілі мен әдебиет, шет тілдері пәнінің мұғалімдеріне арналған «Радуга идей» облыстық бейнесабақтар конкурсын өткізу нәтижелерін талдауы туралы.
Әдістемелік сағатқа Білім беруді дамытудың оқу-әдістемелік орталығының әдіскерлері, инновациялық мектептердің директорлары мен директор орынбасарлары қатысты. Аталған іс-шара білім беру ұйымдары басшыларын ағымдағы конкурстық және әдістемелік бастамалар туралы ақпараттандыруға, сондай-ақ мектептерде білім сапасын арттыру және инновациялық қызметті дамыту бағытындағы жұмысты үйлестіруге ықпал етті.
