umc-ro@umckrg.gov.kz
2026 жылдың13 наурызында ZOOM платформасында озық педагогикалық тәжірибені тарату бойынша шебер-сыныптар сериясы өтті. Іс-шара облыстық сараптамалық кеңесте бекітілген авторлық әдістемелік материалдарды трансляциялауға арналды.
Ұйымдастырушы – Қарағанды облысындабілім беруді дамытудың оқу-әдістемелік орталығы. Іс-шараның модераторы техникалық және кәсіптік, орта білімнен кейінгі білім беру бөлімінің басшысы Кнашина Айнұр Ахатқызы болды.
Бағдарлама аясында Қарағанды жоғары гуманитарлық колледжі оқытушыларының үш шеберлік сыныбы ұсынылды:
- Шығармашылықтағы қабылдау психологиясы:Н.И. Сергеенко «Түсті қабылдау психологиясы» авторлық оқу құралы арқылы студенттердің шығармашылық әлеуетін іске асыру әдістерін ашып көрсетті;
- Кәсіби құзыреттіліктерді жобалау:Е.В. Изотова мен М. Баярхуу заманауи әдістемелік ұсынымдар негізінде болашақ тәрбиешілердің табысты практикасының алгоритмін таныстырды;
- Мектепке дейінгі оқыту әдістемесі:М. Баярхуу қарапайым математикалық түсініктерді қалыптастыру бойынша сабақтарды жобалау технологияларын көрсетті.
Тәжірибе трансляциясы Саран, Балқаш және Теміртау қалаларының профильді колледждерін, соның ішінде Абай Құнанбаев атындағы Саран жоғары гуманитарлы-техникалық колледжін, Ә. Мусин атындағы Балқаш гуманитарлы-техникалық колледжін және Теміртау көпсалалы «Мирас» колледжін қамтыды.
Ұсынылған материалдар теориялық білімді қолданбалы кәсіби дағдыларға айналдыруға мүмкіндік береді, бұл педагогикалық профильдегі болашақ мамандарды даярлаудың жоғары сапасын қамтамасыз етеді.
