umc-ro@umckrg.gov.kz
«Педагогикалық сынып» жобасы аясында Қарағанды оқушылары білім беру тарихы музейіне барды
2026 жылғы 9 сәуірде «Педагогикалық сынып» жобасы аясында Қарағанды қаласындағы Нұркен Әбдіров атындағы жалпы білім беретін мектептің оқушылары Қарағанды облысының білім беру жүйесінің қалыптасуы мен даму тарихы музейіне барды. Аталған музей Облыстық білім беруді дамытудың оқу-әдістемелік орталығында құрылған.
Экскурсия барысында оқушылар өңірдегі білім беру жүйесінің бай тарихи мұрасымен танысты. Музей экспозициялары арқылы олар Қарағанды облысындағы білім берудің алғашқы оқу орындарынан бастап қазіргі заманғы білім беру бастамаларына дейінгі даму жолын зерделеді. Әсіресе, архивтік материалдар, сирек фотосуреттер мен педагогтердің қоғам дамуына қосқан үлесін айқындайтын бірегей жәдігерлер оқушылардың ерекше қызығушылығын тудырды.
Экскурсия тек танымдық қана емес, шабыттандыратын сипатта да өтті. Оқушылар мұғалім мамандығының маңызын тереңірек түсініп, білімнің ел болашағын қалыптастырудағы рөлін айқындай түсті.
