umc-ro@umckrg.gov.kz
2026 жылдың 9 сәуірінде Қарағанды жоғары инжиниринг колледжінің базасында Қарағанды облысында білім беруді дамытудың оқу-әдістемелік орталығының басшылығымен колледж әдіскерлерінің облыстық әдістемелік бірлестігінің жұмысы аясында «Колледждегі оқу процесін әдістемелік сүйемелдеу: тәжірибе және тиімді практикалар» тақырыбында әдістемелік күн өткізілді.
Іс-шараның негізгі мақсаты – ерекше білім беру қажеттіліктері (ЕББҚ) бар студенттерге арналған бейімделген білім беру бағдарламаларын енгізу бойынша жүйелі тәжірибені жинақтау және жасанды интеллект (ЖИ) құралдары арқылы оқытуды цифрлық трансформациялау мәселелерін талқылау болды.
Мақсатты аудитория ретінде облыс колледждері директорларының оқу-әдістемелік жұмыс жөніндегі орынбасарлары мен әдіскерлері қатысты.
Іс-шараны «Қарағанды жоғары инжиниринг колледжі» КМҚК (бұдан әрі – Колледж) директоры А.С. Сапарова алғы сөзбен ашты. Сондай-ақ, кіріспе бөлімде Колледж директорының оқу-әдістемелік жұмыс жөніндегі орынбасары К.А. Жуманбаева «Колледждегі оқу-тәрбие процесін әдістемелік сүйемелдеу жүйесі» тақырыбында баяндама жасады.
Негізгі бөлімнің бағдарламасы теориялық баяндамалармен қатар практикалық модульдерге ұласты:
- Инклюзивті білім беру: Колледж әдіскері Б.К. Алакаева және арнайы пәндер оқытушысы Д.Д. Әділ инклюзивті оқыту экожүйесін таныстырып, ЕББҚ бар студенттерге арналған жеке оқу жоспарларын іске асыру тәжірибесімен бөлісті. Оқу-әдістемелік жұмыс жөніндегі орынбасар К.А. Жуманбаева екі практикум өткізді.
- ТжКОБ-дағы жасанды интеллект: ЖИ-технологияларға ерекше назар аударылды. Арнайы пәндер оқытушысы Т.С. Сатан «Білім берудегі ЖИ-технологиялар: оқыту сапасына жаңа тәсілдер» тақырыбында баяндама жасаса, оқытушылар С.С. Надточий мен А.Г. Одинаева арнайы пәндер сабақтарында ЖИ құралдарын қолдану бойынша шеберлік сыныбын өткізді.
Іс-шара соңында Қарағанды облысында білім беруді дамытудың оқу-әдістемелік орталығының ТжКОБ бөлімінің басшысы А.А. Кнашина рефлексия жүргізіп, қорытындылар шығарылып, ұсынымдар берілді.
