Қарағанды облысында білім беруді дамытудың

      2026 жылғы 5 маусымда Қарағанды облысында Білім беруді дамытудың оқу-әдістемелік орталығы «Кәсіптік бағдар беру навигаторы: колледждердің жобалық қызметі арқылы мектеп оқушыларының өмірлік өзін-өзі айқындауын қалыптастыру» тақырыбында облыстық семинар өткізді. Іс-шара Google Meet платформасында онлайн-форматта өтті. Семинар жұмысына Қарағанды облысы колледждерінің кәсіптік бағдар беру жұмысына жауапты 38 өкілі қатысты.

      Семинардың негізгі мақсаты белсенді тәжірибе алмасу, жалпы білім беретін мектеп оқушыларының саналы түрде кәсіби өзін-өзі айқындауына ықпал ететін инновациялық нысандар мен әдістерді таныстыру болды.

     Семинарды ҚО ББД ОӘО басшысының орынбасары Нартова Татьяна Георгиевна ашып, мектептер мен колледждер арасындағы өзара іс-қимылдың стратегиялық бағыттарын айқындады және бүгінгі таңда жобалық қызмет болашақ талапкерлерді тартудың тиімді құралы болып табылатынын атап өтті.

      Семинардың негізгі бөлімі барысында қатысушыларға облыс колледждерінің практикаға бағытталған үш негізгі бағыт бойынша практикалық тәжірибесі ұсынылды:

1. Ерте кәсіптік бағдар беру құралы ретіндегі конкурстық форматтар («Қазтұтынуодағы ҚарУ Экономика, бизнес және құқық колледжі» ЖМ тәжірибесі мысалында). «Шығармашылық идеялар мектебі» жобасының таныстырылымы аясында мамандандырылған конкурстарды ұйымдастыру мектеп оқушыларына өздерінің шығармашылық әлеуетін ашуға, дербестік танытуға және нақты кәсіби рөлдерді «байқап көруге» қалай көмектесетіні көрнекі түрде көрсетілді.

2. Жаңа буын талапкерлерін тарту жүйелерін жаңғырту («Қарағанды көлік-технологиялық колледжі» КМҚК тәжірибесі мысалында). Қазіргі жасөспірімдердің жас және психологиялық ерекшеліктерін ескере отырып, олармен сенімді әрі жедел диалог құруға мүмкіндік беретін тиімді цифрлық технологиялар мен жаңа коммуникациялық арналар ұсынылды.

3. Кешенді және үздіксіз өзара іс-қимыл жүйелерін құру («Қарағанды цифрлық технологиялар колледжі» КМҚК тәжірибесі мысалында). Талқылау орталығында білім беру сатыларының үздіксіз серіктестік моделі де болды. Баланың кәсіби өзін-өзі айқындау жолында оны дәйекті әрі кешенді қолдауды (сүйемелдеуді) қамтамасыз ететін бірыңғай экожүйе мен желілік өзара іс-қимылды құру алгоритмі көрсетілді.

Кездесу қорытындысы бойынша колледждердің жүйелі жобалық жұмысы өңірдегі кәсіптік бағдар беру қызметін сапалы жаңа деңгейге көтеруге мүмкіндік беретіні, бұл мектеп оқушыларының болашақ мамандықты неғұрлым саналы түрде таңдауына ықпал ететіні атап өтілді.