umc.krg@karagandyedu.kz
Қарағанды облысында білім беруді дамытудың оқу-әдістемелік орталығының ұйымдастыруымен 2026 жылдың 28 қазанында математика, физика және информатика пәндері мұғалімдері мен олимпиадалық резерв жаттықтырушыларының IX Халықаралық ашық шығармашылық байқауының облыстық кезеңі жоғары деңгейде өткізілді.
Бұл дәстүрлі байқау өз ісінің шебері атанған, жаңашыл, шығармашылықпен еңбек ететін және кәсіби шеберлігін үздіксіз шыңдайтын педагогтерді анықтау, қолдау көрсету және ынталандыру мақсатын көздейді. Сонымен қатар мұғалімдердің олимпиадалық қозғалыстағы әлеуетін арттыруға ерекше үлес қосады.
Биылғы байқауға облыс бойынша барлығы 180 педагог қатысып, өз біліктіліктері мен оқыту әдістемесіндегі жаңашылдықтарын ортаға салды. Атап айтқанда:
- Математика пәнінен — 69 педагог;
- Физика пәнінен — 45 педагог;
- Информатика пәнінен — 66 педагог бақ сынады.
Қатысушылар өз пәндері бойынша күрделі әдістемелік тапсырмаларды орындап, олимпиадалық есептерді шығару және заманауи педагогикалық технологияларды қолдану бойынша тәжірибелерімен бөлісті. Бұл шара өңірдегі дәлдік ғылымдарын оқыту сапасын арттырып қана қоймай, ұстаздар арасындағы кәсіби диалогты нығайтуға үлкен мүмкіндік берді.
