umc-ro@umckrg.gov.kz
«Білімал» өңірлік білім беру жобасының негізінде Android және IOS ұялы телефондары үшін қолжетімді «Edu-markэлектрондық күнделігі» мобильді қосымшасы іске асырылды. Мобильді қосымша оқушылар мен ата-аналарға арналған келесі мүмкіндіктерді ұсынады:
- Ағымдағы күнге, аптаға сабақ кестесі мен қоңырауларды қарау;
- Әр пән бойынша сабақ тақырыбы туралы ақпарат алу;
- Push-хабарламалар арқылы оқушылардың бағалары мен рұқсаттамалары туралы уақытылы хабарлау;
- Алдағы дербес, зертханалық жұмыстар, диктанттар және басқа да бақылау жұмыстары туралы ақпарат;
- Өткізіп алған сабақтар бойынша жиынтық ақпарат;
- Жеке хабарламалар арқылы ата-ананың бала оқытушыларымен байланысы;
- Қашықтықтан оқыту жағдайында оқушы мұғалім тіркеген тапсырмаларды (файлдар, сыртқы сілтемелер, Youtube-вебинарлардағы бейнелерге сілтемелер, ZOOM-дағы конференцияларға сілтемелер) көреді және тапсырманы аяқтағаннан кейін жауап жібереді. Сондай-ақ, оқушыға тақырып бойынша тестілеуден өту мүмкіндігі іске асырылды;
- Ағымдағы айда алдағы БЖБ және ТЖБ туралы ақпарат көрсетіледі;
- Күнделікті қалыптастырушы бағалау, тоқсандық, жартыжылдық және жылдық бағалар көрсетіледі.
